МАҢҒЫСТАУ МЕН АТЫРАУ ОБЛЫСТАРЫНЫҢ ӘКІМДІКТЕРІ ЫНТЫМАҚТАСТЫҚ ТУРАЛЫ МЕМОРАНДУМҒА ҚОЛ ҚОЙДЫ

28 тамызда Маңғыстау облысының әкімі Ералы Тоғжанов пен  Атырау облысының әкімі Нурлан Ноғаев екі облыстың арасындағы ытымақтастық туралы меморандумға қол қойды.

Меморандумның мақсаты өңіраралдық кооперацияны дамыту және өңірлердің бәсекеге қабілеттілігін артыру болып табылады. Тараптар өнеркәсіп, шағын бизнес және орта бизнес саласында, ауыл шаруашылығы, денсаулық сақтау, экология,  құрылыс салаларында ытымақтастық жасауға келісті.

Мемлекет Басшысы Нұрсұлтан Назарбаевтың маңызды тапсырмаларының бірі өңіраралық қарым қатынасты дамыту болып табылады. Өңір басшысы Ералы Тоғжанов  экономиканы әртараптандыру мақсатында шикізаттық емес секторларды дамыту мәселелеріне назар аудару қажеттігін айтты.

“Бұл өңдеу өнеркәсібі, шағын және орта бизнесті дамыту, ауыл шаруашылығындағы жобаларды іске асыру, азық-түлік қауіпсіздігі. Құрылыс және туризмді дамыту саласында тартымды жобалар бар.Барлық қол жеткен келісімдерді іске асыру өңірлер мен республиканың экономикалық өсуі үшін  серпін бермек.Бүгінгі күні Маңғыстау облысы еліміздің ірі көлік логистикалық хабтарының бірі болып табылады. Теңіз порттарын дамыту Қазақстанның экономикасы үшін үлкен серпін береді. Өңір басшысы ірі мұнай жобаларындағы қазақстандық қамту мәселесін айтып өтті. Облыстың аумағында  үш мұнай компаниясы жылына орта есеппен 1 трлн 400 млрд теңгеге тауарлар сатып алады. Оның ішінде 30 %-ы республикадан тыс жерлерден, бұл шамамен 500 млрд тенге.Бұл біздің кәсіпорындар үшін, инвестициялар тарту үшін үлкен нарық және әлеует. Осы тауарларды республика аумағында өндіре отырып, біз жергілікті компанияларды дамытуға, жаңа жұмыс орындарын ашуға, мемлекет бюджетін толықтыруға жағдайлар жасаймыз деді”- облыс әкімі Ералы Тоғжанов.

Меморандумға қол қою екі облыстың экономикалық және инвестициялық  әлеуетін дамытуға жаңа серпін береді. 

Қайнар көзі: mangystau.gov.kz

Желілерде бөлісу:

  • 4554