АЭА «Ақтау Теңіз порты» - Сіздің жетістіктеріңіздің аумағы!
ЕЛБАСЫ НҰРСҰЛТАН НАЗАРБАЕВ МАҢҒЫСТАУ КӘСІПКЕРЛЕРІНЕ ҚҰТТЫҚТАУ XАТ ЖОЛДАДЫ

Маңғыстаулық кәсіпкерлер Елбасы Нұрсұлтан Назарбаевтың атынан хат алды. Құттықтауда Президент Маңыстаулықтарға жуырда ғана тұсауы кесілген бірегей жоба «Нұр капитал» бағдарламасын қолдайтынын жеткізген.

Айта кетейік, аталмыш бағдарлама облыс әкімі Ералы Тоғжановтың бастамасымен осы жылдың қараша айынан бастап жүзеге асырыла бастады.

Жобаның мақсаты – «Туған жер» жобасы аясында халықтың қоғамдық санасын жаңғырту арқылы елдің, аймақтың экономикасына айрықша атсалысу – шынайы патриотизмді ояту. Мемлекеттік тұрақтылықтың бір құралы ретінде - шағын және орта бизнесті дамыту үшін қолайлы жағдай жасау.

Бағдарламаны қаржыландыру «Даму» Қорының және «Өзенмұнайгаз» АҚ жер қойнауын пайдалану келісім-шарты аясында жергілікті атқарушы органға беретін қаражаттары есебінен жүзеге асырылатын болады. Қаржыландыру көлемі әзірге 2 млд. 700 млн. тенгені, оның ішінде: «Өзенмұнайгаз» АҚ-ның 900 млн. теңге, «Даму» Қорының қаржысы – 1,8 млд. теңге.

Несие бойынша пайыздық мөлшерлеме соңғы қарыз алушы үшін сыйақы мөлшерлемесі – 11 пайыз болса, оның 10 пайызы субсидияланады, ал қалған 1 пайызын ғана кәсіпкер төлейді.

Яғни, бағдарлама аясында орта және шағын бизнеспен айналысамын деген әрбір азаматқа толықтай мүмкіндік жасалынып отыр.

Маңғыстау облысы әкімінің баспасөз қызметі 

Жарияланған күні: 29-12-2017  
Оқылған саны: 227



Осы бөлімде:

 

Бүгін сайтқа қандай мақсатпен кірдіңіз?
Іздеген ақпаратыңызды таптыңыз ба?(Ақпарат пайдалы болды ма?)
Сайт сізге ұнады ма?
“Ақтау теңіз порты” арнайы экономикалық аймақтың орналасуы
«Ақтау теңіз порты» АЭА аумағы 6 субаймақтан және жағалаудағы аймақтан тұрады. АЭА аумағының жалпы ауданы 2000 га құрайды. АЭА қатысушыларына жер телiмдерi 2028 жылға дейін беріледі.