АЭА «Ақтау Теңіз порты» - Сіздің жетістіктеріңіздің аумағы!
МАҢҒЫСТАУДА ШВЕЙЦАРИЯ МЕН ҚАЗАҚСТАН АРАСЫНДАҒЫ БІРЛЕСКЕН МӘЛІМДЕМЕ ЖАСАЛДЫ

рус/eng

Бүгін Маңғыстау облысына Швейцарияның экономика, білім және зерттеу министрі Иоганн Шнайдер-Амманн бастаған делегациясы келді. Мәртебелі меймандар облыс әкімдігінің ғимаратында Маңғыстау облысының әкімі Ералы Тоғжанов, ҚР Инвестиция және даму министрі Жеңісбек Қасымбек және  облыстың ірі кәсіпорындарының басшыларымен кездесті. Кездесу барысында  бірлескен келісімге қол қойылды.

Жеңіс Қасымбектің мәліметінше, 2017 жылы Қазақстан мен Швейцария арасындағы сыртқы сауда айналымы 3 миллиард АҚШ долларын құраған. Бұл 2016 жылға қарағанда 14% жоғары. Сондай-ақ,  дәл осы кезең бойынша, Швейцарияның Қазақстанға жасаған экспорты да 14% -ға өскен.

«Швейцария біз үшін Еуропадағы Қазақстанның стратегиялық және маңызды сауда-экономикалық әріптесі болып табылады. Біздің бүгінгі кездесуіміз сауда-экономикалық байланыстарды одан әрі нығайтуға, екі жақты мүдделерге байланысты өзара ынтымақтастықты кеңейтуге деген ұмтылысымыздың тағы бір дәлелі» - деді Жеңіс Махмұдұлы. 

Ресми статистикаға сүйенсек, соңғы 12 жылда Швейцариядан Қазақстанға салынған инвестицияның көлемі 20 миллиард доллардан астан. Қазіргі таңда елімізде энергетика, көлік, инновация, медицина сияқты т.б. салаларда Швейцария капиталының қатысуымен 300-ден астам бірлескен кәсіпорын жұмыс істейді. Одан бөлек, тағы бірнеше қазақстандық-швейцариялық бірлескен жобалар жүзеге асырылуда.  Олар инженерлік, құрылыс, агроөнеркәсіптік және тау-кен өнеркәсібі секілді салаларда жұмыс істейді.

Кездесу кезінде сөз алған Маңғыстау облысының әкімі Ералы Тоғжанов: Соңғы үш жылдың қорытындысы бойынша, Маңғыстау облысы мен Швейцария арасындағы жалпы тауар айналымы $ 7 млрд-тан асты, оның 99,9% -ы мұнай экспорты. Облысымызда Швейцария капиталының қатысуымен 11 бірлескен кәсіпорын тіркелген. Тауар айналымы Еуропа мен Азия арасындағы халықаралық маңызы бар қуатты транзиттік және көліктік-логистикалық әлеуетінің арқасында дамып келеді, сол арқылы Шығыс Еуропа, Орталық Азия мен Солтүстік Еуропаны біріктіретін «ТРАСЕКА» және «Солтүстік-Оңтүстік» халықаралық көлік дәліздерінің ықпалы артып жатқанын»  атап өтті.

Швейцариялық мейман, Иохан Шнайдер Амман бұл сапар екіжақты ынтымақтастықты нығайту бағытында арнайы ұйымдастырылғаны жайында және Швейцариядағы инновация мен цифрландырудың дамуы туралы әңгімелеп берді. Шетелдік қонақтар кездесуден кейін «Морпорт Ақтау» ЕЭА  №1 субзонасы,  «Ақтау Морпорт»,  «Құрық порты» ЖШС,  «Kazakhstan Pipe Traders» (Tenaris) ЖШС және «Arcelor Mittal Tubular Products» АҚ кәсіпорындарының жұмысымен танысты. 

Қайнар көзі: mangystau.gov.kz

Жарияланған күні: 10-07-2018  
Оқылған саны: 217



Осы бөлімде:

 

Бүгін сайтқа қандай мақсатпен кірдіңіз?
Іздеген ақпаратыңызды таптыңыз ба?(Ақпарат пайдалы болды ма?)
Сайт сізге ұнады ма?
“Ақтау теңіз порты” арнайы экономикалық аймақтың орналасуы
«Ақтау теңіз порты» АЭА аумағы 6 субаймақтан және жағалаудағы аймақтан тұрады. АЭА аумағының жалпы ауданы 2000 га құрайды. АЭА қатысушыларына жер телiмдерi 2028 жылға дейін беріледі.